Халықаралық бокс федерациясы (IBF) мексикалық Сауль Альварестен орта салмақтағы әлем чемпионы титулын тартып алды, деп хабарлайды Алтайньюс тілшісі.

Vesti.kz-тің жазуынша, бұл туралы белгілі журналист Майк Коппинджер мәлімдеген.

Альварес міндетті үмкіткер украиналық Сергей Деревянченкомен жекпе-жек жөнінде келіссөз жүргізген болатын.  Алайда екі тарап келісімге келе алмаған көрінеді. Мексикалық боксшы келіссөзді бейсенбіге дейін аяқтауы керек еді. Берілген мерзімнің аяқталуына байланысты «Канело» титулынан айырылды.

Дереккөздің ақпаратына сүйенсек, боксшылар қаражат мәселесін келісе алмаған.  Енді IBF бос қалған титул үшін Деревянченко мен келесі үміткер –  қазақстандық Геннадий Головкин арасында жекпе-жек өткізбек. Vesti.kz мәліметі бойынша, тараптар келіссөзді жақсы өткізіп жатыр.