Өскемен қаласының басшылығы жол жүру жеңілдіктерін жойған екі көлік компаниясына ескерту жасады, деп хабарлайды Алтайньюс тілшісі.

— 7 жастан 15 жасқа дейінгі балалардың автобустарда жеңілдікпен жол жүруін тоқтату – заңнаманы бұзу. Балалардың 50 пайыз жеңілдікпен жол жүруі ҚР «Көлік туралы» Заңында қарастырылған. Осы себепті «Vosca» ЖШС және «АТЦ BEST» ЖШС басшылығына қалалық ТҮКШ бөлімінен хабарлама жібердік, – деп мәлімдеді әкімдік.

Аталмыш көлік компанияларының жеңілдіктерді қайта қалпына келтіруіне бір ай уақыт берілді. Әйтпегенде қала билігі арадағы келісім шартты бұзуға әзір.