Ұлттық бірыңғай тестілеудің нәтижелерін биыл үш жолмен білуге болады, деп хабарлайды Алтайньюс тілшісі.

1.      Тelegram-бот көмегімен - @EDU.GOV.KZ bot;

2.      edu.mail.kz сайтында;

3.      Ұлттық тестілеу орталығының сайтында – www.testcenter.kz.

Нәтижелерді алу үшін тест тапсырушының жеке кодын енгізу қажет.

Ағымдағы жылы Білім және ғылым министрлігі ҰБТ тапсыру кезіндегі болатын бұзушылықтардың алдын алуға қатысты нақты шаралар қабылдап отыр.

- Біз түлектер мен ата-аналарды мұндай жағдайларға бей-жай қарамауға шақырамыз. Егер сіздерге «дұрыс жауаптардың кодын» сатып алу секілді ұсыныстар түссе не тестілеу кезінде тапсырушылардың жауаптарды көшіріп отырғанына, сондай-ақ, аудиторияға бөгде адамдардың кіргеніне куә болсаңыз, +7 (7172) 69-50-87 нөміріне қоңырау шалуларыңызға немесе @EDU.GOV.KZ bot Telegram-ботына хабарлама жіберулеріңізге болады. Біз құпиялылыққа кепілдік береміз. Сіздердің сауалдарыңызға қатысты дер кезінде әрекет ету үшін 8-800-080-7177 Call-орталығы тәулік бойы жұмыс істейді, - деген хабар таратты ҚР Білім және ғылым министрлігінің баспасөз қызметі.