Қазақстан Республикасы Мемлекеттік қызмет істері агенттігінің Шығыс Қазақстан облысы бойынша департаменті мемлекеттік қызметтердің сапасын бақылау үшін ғана емес, оларды жетілдіру бойынша да белсенді жұмыс істейді. Ағымдағы жылдың тоғыз айында процестерді жақсартуға бағытталған 47 бастамашыл ұсыныс дайындалып, жолданды. Олардың 27-сі құқықтық реттеуді бағалауға, 10-ы автоматтандыруға және техникалық мүмкіндіктерді бағалауға, ал 9-ы қызмет көрсету процестерін оңтайландыруға қатысты.

Ресми құжаттамада тиісті түрде ескерілмеген жасырын мемлекеттік қызметтерді анықтауға ерекше назар аударылады. Мысалы, талдау барысында жеке сектордағы тұрғын үйді жалға алу үшін азаматтардың жекелеген санаттарына төлемдер тағайындау функциясын қосу туралы бастама ұсынылды. Нәтижесінде бұл функция мемлекеттік қызметтер тізіліміне қосылды.

Мұндай функцияны мемлекеттік қызмет мәртебесіне ауыстыру азаматтар үшін жаңа мүмкіндіктер ашады. Енді олар қызметті алу процесімен толығырақ таныса алады, сондай-ақ болашақта бұл қызметті белсенді және автоматтандырылған форматқа ауыстыра алады. Бұл қызметке қол жеткізуді жеңілдетіп қана қоймай, оны ұсынудың тиімділігін едәуір арттырады.

Егер сіз Мемлекеттік қызметтерді алу кезінде өз құқықтарыңыздың бұзылуына тап болсаңыз, Департаментке мына мекенжай бойынша хабарласыңыз: Өскемен қаласы, Назарбаев даңғылы, 4. Анықтама үшін 8-7232-76-50-88 нөміріне қоңырау шалуға болады. Сондай-ақ, «Уәкілетті органға жүгіну» бөліміндегі «Egovkzbot2.0» платформасындағы «Е-Өтініш» батырмасы немесе Telegram мобильді қосымшасы арқылы жүгіну мүмкіндігі бар.

ҚР Мемлекеттік қызмет істері Агенттігінің

ШҚО бойынша Департаментінің басшысы,

Әдеп жөніндегі кеңес төрағасы

Е.М. Айкымбеков