Серебрянск қаласындағы №1 М.В. Инюшин атындағы мектептің жылыжайында оқушылар үй өсімдіктерімен қатар ананас пен питахайя өсіруде. Енді мектепте дәстүрлі ананас мерекесі өткізіліп, онда бірінші сынып оқушыларына ананас жемістері ұсынылады, деп хабарлайды  Altainews.kz  тілшісі.

Қазіргі таңда жылыжайда 11 ананас өсірілуде. Сондай-ақ, мектепке шоколад инжирінің көшеттері сыйға тартылды. Өзінің алғашқы жемістерін инжир түсіріп үлгерді, ал келесі жемістерді біз міндетті түрде дәмін татып көреміз, – дейді мектеп директоры Ирина Бесчалова.

Экзотикалық өсімдіктерге күтім жасау барысында оқушылар мектеп асханасы үшін аскөк, ақжелкен және басқа да көкөністерді өсіруде.

Жылыжай балалар үшін биология сабағы бойынша лаборатория ретінде қызмет етеді. Бұл жерде оқушылар жаңа әрі ерекше өсімдіктерді өсіруді қызығушылық танытуда. Жаз айларында балалар мектеп бақшасында жұмыс істеп, тамаша раушан өсірді.

Өсімдіктерге күтім жасау оқушылардың сабырлық қасиеттерін дамытып, зерттеу жұмыстарының дағдыларын қалыптастырады. Қазіргі уақытта мектеп жылыжайларды суару бойынша жаңа IT-жоба әзірлеуде.