Елімізде тұрғындарға митингке шығуға рұқсат беретін заң қабылданбақ. Бұл туралы Қазақстанның президенті Қасым-Жомарт Тоқаев Euronews-ке берген сұхбатында айтты, деп хабарлайды Алтайньюс тілшісі Tengrinews.kz сайтына сілтеме жасап.

Мемлекет басшысының айтуынша, ол саяси өзгеріске қалай қол жеткізуге болатынын Еуроодақ мүшелерімен кеңескен екен. Осы орайда, алдағы уақытта Қазақстанда рұқсат берілген митингілерге шығуға мүмкіндік жасайтын заң қабылданатынын айтып өтті.

"Жаңа заң қабылданады. Демонстрацияға шығып, өз пікірін білдіргісі келген халық тиісті органға жүгінеді. Оларға өз пікірін білдіру үшін арнайы жер беріледі", - деді ол.