Өскеменде байқау жарияланды: Наурызға ұлттық киім киіп келу
Наурыз мейрамы аясында Өскемен қаласының әкімдігі үздік ұлттық костюмге конкурс өткізеді, деп хабарлайды Алтайньюс тілшісі.
-Іс-шара 22 наурызда сағат 11.00-де Республика алаңында басталады. Барлық қала тұрғындары мен қонақтарын қатысуға шақырамыз. Ол үшін сізге Республика алаңына келіп, байқаудың тіркеу пунктіне барып, кез-келген ұлттың дәстүрлі костюмдерін келесі номинацияларда ұсыну қажет: "Үздік әйел костюмі", "Үздік ерлер костюмі", "Үздік балалар костюмі", "Отбасылық жұптың үздік костюмі",-деп жазады Өскемен қаласы әкімінің баспасөз қызметі.
Костюмдердің ұлттық дәстүрлерге сәйкестігін, дайындау мен ұсынысқа шығармашылық көзқарас бағаланады. Қазіргі заманғы костюмде ұлттық элементтерді пайдалану қажет.
Сондай-ақ, байқаудың қорытындысы бойынша әрбір номинацияда интернет-дауыс беру арқылы "Көрермен көзайымы сыйлығы" иегерлерін анықтайды. Бұл үшін алаңда арнайы фото-аймақ орнатылады. Қатысушылар селфи жасап, оны #IloveOskemen хештэгінің астында Инстаграм әлеуметтік желісінде жариялауы қажет. Жеңімпаздар естелік сыйлықтарға ие болады.