Терроризмді насихаттап, ұйымдастырған 5 адам ұсталды
ҰҚК баспасөз қызметі
Олар Астана, Шымкент қалаларында, Атырау, Жамбыл облыстарында қолға түсті.
Ұсталғандардың біреуі шетел азаматы, деп хабарлайды Altainews.kz тілшісі ҰҚК ақпаратына сүйеніп.
Шілде айында Астана, Шымкент қалаларында, Атырау, Жамбыл облыстарында ҰҚК прокуратураның үйлестіруімен және полиция көмегімен діни радикалдардың әрекеттерінің жолын кесу жұмыстарын жүргізді.
- Жедел қызметкерлер террористік әрекеттерге қатысуға, терроризмді насихаттауға, экстремистік әрекеттерді ұйымдастыруға және осы мақсатта адамдарды тартуға күдікті ретінде Қазақстанның 4 азаматын мен 1 шетелдікті ұстады және қамауға алды, - деп хабарлады ҰҚК баспасөз қызметі. - Олардың тұрғылықты жерлерінен көптеген діни-экстремистік әдебиеттер мен өзге де заттай дәлелдемелер алынды.
Айта кету керек, күдіктілердің бірі бұған дейін шет мемлекеттің аумағында соғыс әрекеттеріне қатысып, ол үшін Қазақстанда сотталған болатын. Тағы екеуіне қатысты "ауыр" есірткіні үнемі қолданғаны туралы ақпарат тексерілуде.
Қылмыстық кодекстің 256, 257, 259 және 405-баптары бойынша сотқа дейінгі тергеп-тексеру жүргізілуде.
Оқи отырыңыз
Ұлттық қауіпсіздік қызметі ШҚО-да қылмыстық топтың жолын кеспекТеррористік сипаттағы қылмыстары үшін үш азамат сотталдыҰҚК деструктивті діни ағымды ұстанушылар бар қылмыстық топтарға қарсы операция бастадыҚазақстанда Астана есімді 24 адам тұрадыШҚО-да терроризмді насихаттады деген күдікпен 18 жастағы тұрғын ұсталды
