Шығыс Қазақстан облысында биыл өндіріс ошақтарында 12 адам мерт болды.

Жалпы жыл көлемінде 147 жазатайым оқиға болған, деп хабарлайды Altaynews тілшісі.

Мемлекеттік еңбек инспекциясының облыстағы департаменті 158 адам зардап шеккенін мәлімдеді. Оның ішінде 80 адам ауыр жарақат алған.

«Өңірде 38 мыңнан астам адам зиянды және қауіпті еңбек жағдайында жұмыс істейді. Өткен жылмен салыстырғанда өндірісте жарақат алу көрсеткіші 8,1 пайызға төмендеді. Жалпы жазатайым оқиғалар тау-кен металлургиялық кәсіпорындарында жиі болады», – дейді ведомство басшысы Бақытбек Қизатов.