2023 жылдың 10 қаңтарында Қазақстан Республикасының Ұлттық ұланына 31 жыл толып отыр.

Қазақстан Республикасы Ұлттық ұланы ҚР ішкі істер органдарының бірыңғай жүйесіне кіреді және жеке бастың, қоғам мен мемлекеттің қауіпсіздігін қамтамасыз етуге, адамның және азаматтың құқықтары мен бостандықтарын қылмыстық және өзге де құқыққа қарсы қолсұғушылықтардан қорғауға арналған.

Бүгінгі күні, 31 жыл көлемінде Ұлттық ұлан өзіне тапсырылған міндеттерді абыроймен атқарып келеді. «Қаңтар оқиғасы» кезінде де Ұлттық ұлан жауынгерлері алдыңғы шепте тұрды. Қатардағы Айбат Аманов және қатардағы Мадияр Қайсаров сынды сарбаздарымыз ерлікпен қаза тапты. Ол сарбаздар Ұлттық ұлан жауынгерлерінің есінде мәңгі қалады. «Шығыс» өңірлік қолбасшылығына қарасты 6699 әскери бөлімі Отанымыздың тыныштығын күзетуде айтулы рөл атқарып келеді. 6699 әскери бөлімі Қызметтік атқару жүйесінің мекемелерін күзету, қызметтік атқару жүйесінің мекеме аумағындағы азаматтардың мінез – құлқын бақылау мен қадағалауды жүзеге асырады және сотталғандарды айдауылдау бойынша жауынгерлік міндеттерді атқарады.

Сонымен қатар, «Қаңтар оқиғасы» кезінде 6699 әскери бөлімінің әскери қызметшілері өздерінің Отанға деген сүйіспеншіліктерін көрсетті деп сенімділікпен айта аламын. Өскемен қаласында алаңдағы арпалыста кері шегінбей, бүлікшілердің жолын бөгеймін деп жарақат алған әскери қызметшілеріміз де болды. Атап айтатын болсақ, кіші сержант Намазбаев Асхат, ефрейтор Мусин Ануар, ефрейтор Тұрысбеков Ерасыл. Аталған әскери қызметшілер мемлекет тарапынан марапаттарға ие болды.

2022 жылдың басынан бері 6699 әскери бөлімінің әскери қызметшілері жауынгерлік қызмет барысында жоғарғы нәтижелерге қол жеткізіп келеді. Солардың ішіндегісі, аға сержант Токтарханов К.К., қатардағы Суханов Д.К., қатардағы Таранов В.И., қызметтік ит үйретушісі ефрейтор Рахимов Д.А., сержант Сахариев Р. жауынгерлік қызмет барысында қызметтік атқару жүйесінің мекемесіне техника өткізу пункті арқылы тыйым салынға заттарды кіргізбекші болған азаматтарды ұстады. Қатардағылар Забара Д. С. және Куштукулов Ж. Ж. қызметтік атқару жүйесі мекемесінің аумағына тыйым салынған зат лақтырмақшы болған азаматтың жолын кесті. сержант Базаров Е. А. сотталғандарға келген туыстарының сөмкелерін тексеру барысында тыйым салынған заттарды анықтады.

Ұлттық ұлан жауынгерлері Қазақстан халқына көмек қолын созуға әрқашан дайын екеніне ешқандай күмән жоқ. Оны Ұлттық ұлан жауынгерлері әрдайым дәлелдеп келеді.

6699 әскери бөлім командирінің тәрбие және

әлеуметтік – құқықтық жұмыстар жөніндегі орынбасары

подполковник Максут Жусупбеков