Өтінімдерді қабылдау сағат 10:00-де www.autonesie.kz ресми сайты арқылы жүргізіледі.

Бұл туралы «Өнеркәсіпті дамыту қоры» АҚ басқарушы директоры Ғалымжан Әди айтты, деп хабарлайды Altaynews тілшісі Қазақпаратқа сілтеме жасап.

Өтінімдерді қабылдау сағат 10:00-де www.autonesie.kz ресми сайты арқылы жүргізіледі. Осы орайда өтінім беру үшін компьютер арқылы электрондық цифрлық қолтаңбаны енгізіп, қосылуға болады. Платформада тек Қазақстан Республикасының аумағында тіркелуге мүмкіндік бар.

Қазіргі кезде «Өнеркәсіпті дамыту қоры» АҚ-да жинақталған қаражат сомасы 7,6 млрд теңгеге жетті. Осы орайда пилоттық платформа келесі аптада іске қосылған кезде 761 адам тіркеле алады. Яғни 761 адам толық тіркелса, платформада өтінім қабылдау автоматты түрде тоқтайды.

Көлік алуға жеңілдікпен несие беру бағдарламасы бойынша бұрынғы шарттар өзгеріссіз қалды:

- бір автокөліктің құны 15 млн теңгеден аспайды;

- қаржыландыру сомасы 10 млн теңгеден артық емес;

- қаржыландыру мерзімі 7 жылдан аспайды;

- бастапқы жарна - 0 пайыз.