ШҚО құтқарушылары түрлі халықтардың сәлемдесу челленджін өткізді
1 мамыр – Қазақстан халықтарының бірлігі күні қарсаңында ШҚО ТЖД қызметкерлері түрлі халықтардың сәлемдесу челленджін өткізді.
Аудандық және қалалық бөлімшелерде өрт сөндірушілер мен құтқарушылар әртүрлі халықтардың ұлттық костюмдерін киіп, бір-біріне сол халықтың тілінде және ишара көрсету арқылы сәлем жолдады, деп хабарлайды Altaynews тілшісі.
Челлендждің басты мақсаты – ТЖ қызметінде жұмыс істейтін қызметкерлердің көпұлттылығын, өңір халықтарының бірлігін көрсету. Қазіргі уақытта ШҚО ТЖД құрамында азаматтардың қауіпсіздігі үшін 8 ұлт өкілі жұмыс істейді: қазақ, орыс, украин, неміс, татар, ұйғыр, әзірбайжан, болгар. Бұл халықтардың әрқайсысы өзінше ерекше және тату.
"Шығыс Қазақстан гарнизоны қызметкерлері ұжымның бірлігі мен достығының, азаматтардың ұлтқа, дінге бөлінбей, жауапкершілікті сезінуінің арқасында көптеген жетістікке жетіп отыр. ТЖД қызметкерлері жыл басынан бері 800-ден астам түрлі төтенше жағдайлар мен оқиғаларға қатысты, 64 адамды құтқарып, 106 азамат эвакуацияланды", дейді ШҚО ТЖД баспасөз қызметі.
Оқи отырыңыз
