Президент Қ.Тоқаев ата-аналар қауымына сөз арнады
Президент Қасым-Жомарт Тоқаев еліміздің ата-аналар қауымына сөз сөйледі.
Мемлекет басшысының Астанада өтіп жатқан «Ұрпақтар сабақтастығы» республикалық форумына қатысушыларға арнаған сөзін Президент Әкімшілігі басшысының бірінші орынбасары, Президент жанындағы әйелдер істері және отбасылық-демографиялық саясат жөніндегі ұлттық комиссияның төрағасы Аида Балаева оқыды.
" Мықты және бақытты отбасы – келісімді қоғамның негізгі құрамдас бөлігі және мемлекеттің сенімді тірегі. Ең жақын адамдарының үлгі-өнегесі мен ықпалының арқасында адам мен азаматтың бойындағы отаншылдық пен жауапкершілік, инабаттылық пен үлкенді сыйлау, еңбексүйгіштік пен өзін-өзі жетілдіруге деген ұмтылыс сияқты қасиеттер тәрбиеленеді. Жақын ортада адамның биік адамгершілік ұстанымдары мен гуманистік мұраттарға негізделген дүниетанымының негізі қаланады", – делінген алғы сөзде.
Оқи отырыңыз
