Шығыс Қазақстанда күн райына байланысты ескерту жарияланды. Сондықтан облыстық төтенше жағдайлар департаментінің өкілдері жүргізушілердің қауіпсіздік шараларын қатаң сақтауын сұрайды.

30 қазан күні өңірдің солтүстігінде және шығысында жауын-шашын (жаңбыр, қар) күшейіп, тұман үдейді. Ал батыс және солтүстік аудандарда жел екпіні 15-20 м /с-ға дейін күшейеді.

«Күн райының «құрсауында» қалмас үшін көлікті қысқы кезеңге дайындаған жөн. Көлікте күрек, жылы заттар, жанармай қоры, зарядтағыш болсын», - деп мәлімдеді төтенше қызмет өкілдері.

Өңірдегі жолдардың ашық-жабықтығы туралы ақпаратты «Дәрмен» мобильді қосымшасынан көруге болады. Жолға шықпас бұрын аталмыш қосымшада көрсетілген ТЖД ұсыныстарын қаперге алған жөн.

Төтенше жағдай кезінде 112 нөміріне хабарласу қажет.