Өскемен-Тарғын-Самар жолында, Жоғарғы Тайынты ауылының тұсында, 15 жеңіл көлік қар құрсауында қалып қойды.

Отыз жолаушының ішінде төрт бала бар, деп хабарлайды Altainews.kz тілшісі.

Құтқарушылар мен полиция қызметкерлері жолаушыларды Тарғын ауылына дейін жеткізді. «ОблШығысЖол» мекемесінің мамандары арнайы техникамен жолды күрегеннен кейін жолаушылар сапарын жалғады.

Қазір облыс бойынша 5 республикалық және 7 облыстық маңызы бар көлік жолы жабық. Күн райының қолайсыздығына байланысты облыстық төтенше жағдайлар департаментінде жедел штаб құрылды. Азаматтарға 8 7232-55-38-19 телефон нөмері арқылы қызмет көрсетіледі.