Головкин Олимпиаданың іріктеу турниріндегі боксшыларды рухтандырды
ҚР ҰОК
Қазіргі таңда қазақстандық боксшылар Италияда Олимпиадаға іріктеу турниріне қатысып жатыр.
ҚР ҰОК басшысы Геннадий іріктеу турнирінің ең жауапты кезеңі алдында өз кеңесімен бөлісіп, қолдауын көрсетті, деп хабарлайды Аltainews.kz тілшісі.
- Мен мұнда біздің командамызға қолдау көрсету үшін келдім. Мен де кезінде сіздердің орныңызда болған қарапайым адам екенімді көргендеріңізді қаладым, - деді Геннадий Головкин. - Қазір әрқайсыңызда үлкен жауапкершілік тұр. Міне, осының бәрін қабылдай білу қажет. Шаршы алаңда үш раунд бойы бар күшті салып, мүмкіндікті жібермеу керек. Қазақ бокс мектебі әлемдегі ең мықты мектеп саналады. Сондықтан бізге бұл дәстүрді жалғастыру үшін аянбау керектігін ұмытпайық. Біз бәріміз бір командамыз! Мен үнемі сөздермен біргемін, әрдайым қолдауға дайынмын.
Ол командалық рухты жоғалтпай, әрдайым ауызбіршілікте болып, бір-біріне қолдау көрсетіп, Қазақстан намысын абыроймен қорғауға тілектестік білдірді.
- Бізге қолдау көрсетіп, рухымызды көтергеніңіз үшін алғысымыз шексіз. Сізді көргеніміз үшін шын жүректен қуаныштымыз. Біздің мақсатымыз бір - еліміз үшін лицензия алу. Алдағы басты мақсатымыз айқын, қолымыздан келгенше аянып қалмаймыз, - деді ерлер командасының капитаны Асланбек Шымбергенов.
Оқи отырыңыз
Геннадий Головкин: Жас боксшылардың әлем рингіне шығуына көмектесемінРесми: Геннадий Головкин әлем чемпионы титулына таласады«Мен Қазақстаннанмын, бұл Ресей емес!» – Головкин америкалық журналистерді састырдыГоловкин мен Мартиросян жекпе-жек алдында көз арбастыГеннадий Головкин жерлесі Елена Рыбакинаны тарихи жеңісімен құттықтады
