Автокредиттеу екінші ай қатарынан баяулап жатыр. Несие сомасы (118,7 млрд теңге) 2023 жылдың сәуірінен бастап ең төменгі деңгейде, несие саны (13,7 мың бірлік) былтыр ақпаннан бергі ең төменгі деңгейде, деп хабарлайды Altainews.kz сайты Naryk.kz сайтына сілтеме жасап.

Қаңтармен салыстырғанда ипотека өсті: қаңтарда 167,2 млрд теңге ипотекалық несие берілсе, бір айда көрсеткіш 19% өсті, ипотекалық несие саны 10,4 мыңға жетті.

Жеке тұлғаларға бизнеске несие беру көлемі де өткен аймен салыстырғанда 27% өсіп, 26,9 млрд теңгеге жетті.

Қаңтар айымен салыстырғанда кепілсіз тұтынушылық несиелендіру аздап қысқарды (1%, 2,9 млн-ға дейін), бірақ көлемі ұлғайды (+13%, 849,7 млрд теңгеге дейін). Орташа сома тиісінше өсті. Несие алғандардың 10%-ы, яғни 214 мыңы 23 мың теңгеден аспайтын несие алды.

Бизнесті несиелендіруге келсек, ол 1,4 трлн теңгені құрады, қаңтармен салыстырғанда бірден 27% көбейсе, бір жылда 32% ұлғайған. Сонымен қатар, несие саны өткен аймен салыстырғанда 17% өсті, ал 2023 жылғы ақпанмен салыстырғанда жалпы алғанда 13,1% (44,5 мың) азайды.

Заңды тұлғалар мен жеке кәсіпкерлердің портфелі 1 наурыздағы жағдай бойынша 24,7 трлн теңгеге дейін өсті, оның 2,7 трлн теңгесі жеке кәсіпкерлерге тиесілі.