Маусым айының екінші жексенбісі – Қазақстандағы мал өсірушілер күні.

Қазақстандық ауыл шаруашылығы саласының дамуына мал өсірумен айналысатын шаруалардың қосқан үлесі зор,  деп хабарлайды Altainews.kz тілшісі.

Сан ғасырлық дәстүрі мен өмір дағдысы осы саламен ұштасқан Қазақстанның әлемдік мал шаруашылығы нарығында алар орны ерекше.

Министрлік мәліметіне сүйенсек, соңғы бес жылда еліміз сиыр, қой, жылқы етімен және жұмыртқамен өзін-өзі қамтамасыз ететін деңгейге жетті, ал құс еті бойынша соңғы 5 жылда импортқа тәуелділік 51%-тен 27%-ке дейін төмендеді.

Осы кезеңде мал шаруашылығына салынған субсидиялар көлемі 30%-ке өсіп, 2023 жылы 147 млрд теңгеніқұрады.

Өткен жылы қуаттылығы 30,8 мың тонна сүт өнімдерін өндіретін 22 сүт-тауарлы фермасы, қуаттылығы жылына 86,5 мың тонна құс етін өндіретін 4 ет бағытындағы құс фабрикасы іске қосылды.