Елімізде әскери дәрігерлердің кәсіби мерекесі төртінші жыл қатарынан атап өтілуде.

Бұл күн ҚР Қорғаныс министрінің "Қазақстан Республикасының Қарулы күштерінде кәсіби және естелік күндерді бекіту туралы" бұйрығымен белгіленген, деп хабарлайды Altainews.kz тілшісі.

Биыл Қазақстан Республикасы Қарулы күштері Бас штабы Әскери-медициналық басқармасының құрылғанына 31 жыл толды.

Әскери дәрігер мамандығы әскери қызметшілер арасында жоғары бағаланады. Өйткені армияға әрқашан жан-жақты білімді мамандарды ғана емес, сонымен қатар білгір хирургтар да қажет. Ақ халатты офицерлер кейде далалық жағдайда күрделі хирургиялық операциялар жасауға мәжбүр.