ҰБТ сертификатын қолдан жасау фактілері әшкере болды
Фото: zamandas.kz
Кейбір түлектер грант конкурсына қолдан жасалан ҰБТ сертификатын өткізген.
Ұлттық тестілеу орталығының мәліметіне сүйенсек, мұндай жағдайлар жиілеп кеткен көрінеді, деп хабарлайды Altainews.kz сайты Kazinform агенттігіне сілтеме жасап.
- Қазіргі уақытта грант конкурсына құжат қабылданып жатыр, қабылдау комиссиясына 10-нан астам жалған сертификат ұсынылған. ҰБТ сертификатын қолдан жасау мүмкін емес екенін ескеру маңызды. Әрбір сертификатта оның түпнұсқалығын бірден тексеруге мүмкіндік беретін бірегей QR коды бар. Сондай-ақ, ҰБТ сертификаты ресми құжат болып табылады және оны қолдан жасау ҚР Қылмыстық кодексінің 385-бабы бойынша қылмыстық жауапкершілікке әкеп соғады, - делінген хабарламада.
Сертификатты қолдан жасаудың барлық жағдайы тиісті шара қабылдау үшін құқық қорғау органдарына жолданады.
Оқи отырыңыз
