Өскемен көшелерін кезіп жүрген есектің иесі табылды, деп хабарлайды Алтайньюс тілшісі.

Естеріңізде болса, тәртіп сақшылары Сәтпаев даңғылымен кетіп бара жатқан есекті ұстап, патрульдік полиция батальонының кавалериялық взводының ат қорасына апарғанын хабарлаған едік.

Бүгін облыстық полиция департаменті жануарды иесіне қайтардық деп мәлімдеді. Сондай-ақ 25 жастағы қожайынға қатысты ҚР ӘҚБтК-нің 408-бабы 1-бөлігі бойынша әкімшілік хаттама толтырылды.