Қазақстан Республикасының Үкіметінің қаулысына сәйкес «Әдебиет» аталымы бойынша Шығыс Қазақстан облысы мәдениет, архивтер және құжаттама басқармасы «Абай атындағы театр» мемлекеттік коммуналдық қазыналық кәсіпорнының әдебиет бөлімінің меңгерушісі, Қазақстан Жазушылар одағының Семей қалалық филиалы төрағасы Мерей Қарт Қазақстан Республикасы Үкіметінің 2018 жылғы «Дарын» мемлекеттік жастар сыйлығының иегері атанды.

Айта кету керек, ақын Мерей Қарт үшін биыл табысты жылдың бірі болды. Осыған дейін ол «Жылдың жас дарыны» аталымы бойынша Семей қаласы әкімі Ермак Сәлімовтың сыйлығының иегері атанды. Сондай-ақ, Семей қалалық мәдениет және тілдерді дамыту бөлімі мен М. О. Әуезов атындағы педогогикалық колледждің ұйымдастыруымен «Рухани жаңғыру» бағдарламасы аясында ұйымдастырылған Мерей Қарттың кездесу кешіне жұртшылық қалың жиналды. Қазақстан Республикасы Тұңғыш Президенті – Елбасы Қоры өткізіп отырған «Алтын Тобылғы» әдебиет байқауының «Поэзия» аталымы бойынша Мерей Қарт Гран-при жеңіп алып, қанжығасын майлап қайтқан еді. Мерей Қартқа арығарайда шығармашылық шабыт пен зор денсаулық тілейміз!