Семейдегі зираттар  маңында 1973 жылы туған жүргізуші «Приора» көлігімен батпаққа батып кете жаздады, деп хабарлайды Алтайньюс тілшісі.

Оқиға болған жерге ПЧ №46 және ЗИЛ (131) КУНГ көліктері көмек көрсету үшін шұғыл келіп жеткен кезде автомобильдің жартылай батпақ астына кеткені анықталды. Трос арқылы көлікті қатты жерге шығарған кезде, рульде суықтан қозғала алмай қатып қалған жүргізуші отырған.

Бұл батпақ Терешкова көшесінің маңында болса керек. Сондықтан ТЖ қызметкерлері осы тұстан абайлап жүруді сұрайды. Темір тұлпар өз алдына, жаяу жүргіншілер де байқап жүрсе дейді.