Автомобильшілер ШҚО-ның жолдарына шағымданды. Олардың айтуынша, тас жолдардағы қар тазартылмай жатыр, деп хабарлайды Алтайньюс тілшісі.

Соның дәлелі ретінде жүргізушілер бейнетіркеуіштегі жазбаларбен әлеуметтік желіде бөлісіп отыр.

Атап айтқанда, Өскемен-Серебрянск бағытындағы тас жолды қар алып қалыпты. Жеңіл автокөліктер өздерінің алдында өтіп, жолы салып кеткен жүк көлігінің арқасында ғана жүре алған екен.

Сонда-ақ, кеше Алматы-Өскемен автожолында да көлік қозғалысы қиындап, сағат 22:20 шамасында Қалбатау ауылынан Қасым Қайсенов кентіне дейінгі аралықтағы жолды жабуға тура келіпті. Бүгін жол қайта ашылып отыр.