Азық-түлік пен көкөніс қымбаттап барады
Қазан айының қорытындысы бойынша, Қазақстанда маусымдық көкөністер айтарлықтай қымбаттап кетті, деп хабарлайды Алтайньюс тілшісі.
Атап айтқанда, қиярдың бағасы 13,7%-ға, қызанақ - 11,2%, орамжапырақ - 1,2%-ға көтерілген.
Ал сәбіз, пияз, қызылша және картоптың бағасы, керісінше, төмендепті.
Жеміс-жидектердің ішінде апельсин 4,6%-ға қымбаттаса, алма 5,3%-ға арзандаған.
Ет өнімдерінен тауық еті (3,8%), тауықтың сан еті (2,4%), еттің майы, сан еті (1,4%), жартылай сүрленген шұжық (1,2%) қымбаттаған. Жұмыртқаның бағасы бірден 6,5%-ға шарықтап кетті.
Сүт өнімдерінде де қымбатшылық байқалады: сүт - 2,8%, сары май - 1%.
Бұлардан бөлек, тары, күріш және ұнның бағасымен қатар нанның бағасы өсіп келеді. Тіпті, ауыз су да 1,4%-ға қымбаттап отыр.