ШҚО-ның бас дәрігері жолдағы адамды ажалдан құтқарып қалды (фото)
Бүгін Семей-Өскемен тас жолының 56-шы шақырымында жол апаты орын алды. Жеңіл автокөліктің 23 жастағы жүргізушісі бұрылыста көлік тізгініне ие бола алмай, жолдан шығып кетіп, бірнеше рет аударылған, деп хабарлайды Алтайньюс тілшісі.
[caption id="attachment_41474" align="alignleft" width="146"] Настя мен Роман[/caption]
Осы тұстан өтіп бара жатқан көлікте ШҚО Денсаулық сақтау басқармасының басшысы Марат Шоранов пен оның орынбасары Ілияс Мұхамеджан болған екен. Облыстың бас дәрігерлері зардап шеккен жігітке алғашқы медициналық көмек көрсетті.
-Жүргізушіні көліктен алып шығып, мойнын, мойын буындары мен омыртқасын бекітіп, таңдық. Жансыздандыратын дәрі салып, жырылған жарасын емдедік, - дейді Ілияс Мұхамеджан. – Сол жерден тағы бір көлік өтіп бара жатқан. Бізді көріп, тоқтап, көмек көрсетті.
Бұл көлікте отырғандар да медицина мамандары болып шықты. Ерлі-зайыпты Анастасия мен Роман медициналық колледждің түлектері екен.
Айта кетсек, жол апатына түскен автомобиль жүргізушісі Семей қаласының тұрғыны екені анықталып отыр.