Таңертең Өскеменде жолаушы толы автобустың түтіндеп кеткендігін жаздық. Одан бөлек облыстың басқа екі ірі қаласында да ұқсас жағдайлар болған, деп хабарлайды Алатайньюс тілшісі.

Кеше таңертең Риддер қаласы Қонаев көшесінің бойындағы тұрақта «Фольксваген» шағын автобусы отқа ораныпты. Өрт 6 квадратметр аумақты ораған. Жарты сағат уақыт ішінде өрт сөндірушілер келіп, асау жалынды «ауыздықтаған».

Бүгін түнгі сағат екі шамасында Семей шәрінде «Тойото камри» маркалы көлігі тұтаныпты. Оқиға Абай-Мұхаммедханов көшелерінің қиылысында болған. 20 минут ішінде сөндірілген тілсіз жау 3 квадратметрді шарпыпты.

Абырой болғанда, үш жағдай да адамдар аман-сау. Оқиғалардың нақты себептері анықталып жатыр.