Идеологиялық тұрғыдан ескірген көше атауларын жаңарту мақсатында Әуезов кентінде тұрғындармен жиын өтті.

Жиын барысында Әуезов кентінің Геологическая, Горная, Мира, Спортивная, Коммунистическая, Первомайская, Социалистическая, Дружба, Фабричная, Гагарин көшелерін және Солнечное ауылындағы Буровая, Школьная, 40 лет Казахстана, Горная, Геологическая көшелерінің атауын өзгерту ұсыныс кеңінен талқыланып, кент тұрғындарымен ортақ шешім қабылданды. Яғни, жиынға қатысушылар өз пікірлерімен бөлісіп, ойларын ортаға салды.

Жиын қорытындысы бойынша аталған көшелерге сәйкесінше Таукент, Қаныш Сәтпаев, Садуақасов Мұхаммедсайди, Бастау, Қазына, И.И.Варепа, Бақыршық қажы, Достық, Береке, Алтынтау, Ақжайлау, Бірлік, Азаттық, Күншуақ, Жолашар деп атау туралы шешім шықты.