Тамақ пісірген соң, плитасын өшірмейтін өскемендіктер көп. Енді 5 АЕК көлемінде айыппұл салынады, деп хабарлайды Алтайньюс тілшісі.

Өскемен қалалық ТЖБ мәліметіне сүйенсек, жыл басынан бері осындай жағдайлардың салдарынан 30-ға жуық өрт шыққан.

Ұмытшақсыз ба? Айыппұл төлейсіз!

– Еліміздің әкімшілік құқықбұзушылық кодексіне сәйкес, өртке қарсы талаптарды сақтамағаны үшін 5 АЕК көлемінде айыппұл салынады. Ал егер тұрғын өртке себепші болып, соның салдарынан қандайда бір шығын туындаса 10 АЕК айыппұл арқалайды, – дейді төтенше жағдайлар басқармасының баспасөз хатшысы Марина Лискова.

Мемлекеттік өрт бақылауы қызметі бөліміндегі мамандардың айтуынша, ас үйдегі өрт салдарынан адам қаза тапқан жағдайда, кінәлі тарап тіпті қылмыстық жауапкершілікке тартылады.