ШҚО-да бұршақ жауып қалды (фото, видео)
Шығыс Қазақстанда күн райы күрт бұзылды. Бірнеше ауданда бұршақ жауды, деп хабарлайды Алтайньюс тілшісі.
Глубокое, Ұлан және Меновнойда сарша-тамызға қарамай бұршақ жауып қалды. Жергілікті тұрғындар табиғаттың тосын құбылысы туралы әлеуметтік желідегі парақшаларында жазып жатыр.
Негізінде «Қазгидромет» мамандары 17 тамыз күні ШҚО-да 15-20 м/с жылдамдыққа дейін жел күшейіп, найзағай ойнайды деп ескерткен болатын. Өскемендегі 23-шағын ауданда қатты желдің салдарынан аялдама аударылып қалды.