Су тасқынына қарсы іс-шараларға қатысқаны үшін шығысқазақстандық 5 сарбаз салтанатты түрде марапатталды.
Биылғы көктем қазақстандықтар үшін айтарлықтай ауыр болды. Себебі Батыс Қазақстан өңірін су басып, талай ауыл-аймақ, мыңдаған үйлер судың астында қалды. Осы  су тасқынына қарсы іс-шараларға қатысқан қатардағы сарбаздардың еңбегі еленіп, оларға Қорғаныс министрінің Жарлығымен марапаттар тағайындалды,- деп хабарлайды Altainews.kz тілшісі.
Екі мыңнан астам мерзімді әскерде жүрген сарбаздар су тасқыны салдарын жоюға, елді-мекендердің жағалауларын нығайтуға, техногендік бөгеттер тұрғызуға және құтқару операцияларына қатысты. Солардың қатарында шығысқазақстандық Чингиз Балтыбаев, Никита Сухосенко,  Бекзат Темірхан,   Сымбат Кеңесов, Данил Баршин, Илья Воробьев болды.

Марапаттау рәсімі Өскемен қаласындағы №24 мектеп қабырғасында мектеп оқушылары мен ата-аналардың қатысуымен өтті. Бұл оқушыларды патриоттық тәрбиелеуде, Отанға деген құрметті арттыруда және әскери қызметшілердің мәртебесін көтеруде маңызды.  Салтанатты шара барысында сарбаздардың ата-аналарына да алғыс сөздер айтылды.  

Азаматтық өмірге оралған жас сарбаздарға әскери күштердің дәстүрі бойынша Қорғаныс Министрлігінен естелік сыйлық - қол сағаттар табысталды. 
Бұл салтанатты шара әскери қызмет тек міндет емес, сонымен бірге үлкен абырой екенін және сарбаздардың еңбегі әрқашан лайықты бағасын алатынын көрсетті.