Енді күн тұтылады. 11 тамызда. Әсіресе ШҚО-да айқын байқалады, деп хабарлайды Алтайньюс тілшісі.

Профессор, астрофизик Андрей Солодовник бұл күннің бесінші мәрте тұтылуы екенін айтты. Әрі осы жылдағы соңғысы көрінеді.

– Күннің тұтылуы Солтүстік және Шығыс Қазақстан мен Павлодар облысында анық байқалады. Астанада және оңтүстік пен батыс шаһарларында байқалмайды да бұл құбылыс, – деді астрофизик.

Жер шарының бірде-бір жерінде күн толық тұтылмайды. Солодовниктің сөзінше, ең жоғарғы фазасы бізде байқалады. 0.23. Бұдан кейін Арктика мен Еуропаның солтүстік-шығысында біршама оңтайлы ракурста көрінетінін айтады.

Күннің тұтылуы 15:31 басталып, 16:54 аяқталады деп болжанды.