Бүгін (шілденің 27-сінен 28-іне ауған түні) ай тұтылады. Табиғи құбылысты көрген адамдардың өмірінде өзгерістер пайда болатындығын айтады астролог Арман Штатбаев.

– Аппақ айдың қып-қызыл түске боялған сәтіне қараудың еш зияны жоқ. Әйтсе де, психикасы әлсіз жандардың сақ болғаны ләзім. Олар сабырсызданып, күйзеліске түсуі мүмкін. Бір ескерте кетерлігі, бұл күні ешқандай шешім қабылдамаған жөн. Әліптің артын бағу керек. Не болары белгісіз, – дейді астролог.

Иә, ғажайыптар осымен таусыла қоймайтын секілді. Себебі, қазақстандықтар ертең де бір ерекше құбылысқа куә болуы бек мүмкін. Марс ғаламшары жерге барынша жақындап келеді.