Осыдан екі күн бұрын Шекоман ауылындағы үйлердің бірінен өрт орын алды. Осы елді мекеннің екі тұрғыны құтқару жасағының қызметкерлері келгенше балаларды, сондай-ақ бір мүмкіндігі шектеулі келіншекті тілсіз жаудан аман-есен құтқарып қалған.

Нақтырақ айтсақ, қызыл жалынға оранып жатқан үйді бірден байқап қалған 50 жастағы көрші әйел, ештеңеден қорықпастан екі бүлдіршінді тез арада сыртқа шығарған . Ол кісі терезені шағып, лапылдап жанып жатқан пәтерге кірген. Ал денсаулығында ақауы бар азаматшаны көмекке жүгіріп келген ер адам дереу далаға алып шыққан . Абырой болғанда, зардап шеккендер жоқ. Қазіргі кезде өрттің шығу себеп-салдары анықталуда.