«Теміржол жолаушылар тасымалы» АҚ төмен бағалар маусымының ұзартылатыны туралы хабарлады.

Жол ақысына жеңілдіктер 25 мамырдан 15 маусымға дейін ұзартылды. Жеңілдіктер «Гранд» вагондарындағы рейстерге – 30 және 25 пайыз, «Бизнес» және «Турист» вагондарына – 25 және 20 пайызды құрады.

Сонымен қатар, билет 45 тәулікке дейін алдын ала сатып алынса, жолаушыға 35 пайызға дейін жеңілдік беріледі. Ал қазіргі жеңілдіктерді бірге қосқанда жол ақысы 55 пайызға дейін төмендейді.

Төмен бағалар маусымы  «Тұлпар-Тальгоның»  барлық бағыттарына ұзартылып отыр.