Орджоникидзе көшесінің бойынан тұрғындар ер адамның мәйітін тауып алды. Оқиға 16 мамырда сағат 15:40 шамасында орын алған.

Жедел жәрдем қызметкерлері қоғамдық көлік аялдамасында ешбір қимылсыз жатқан адам туралы полицияға хабарлаған болатын.

-Орджоникизде көшесіндегі «Жинақ кассасы» аялдамасына қарама-қарсы жерде жатқан 57 жастағы қала тұрғыны  жедел жәрдем көлігі  жеткенше көз жұмды. Бастапқы мәліметтерге сәйкес, бұл оқиғаның қылмысқа қатысы жоқ, - деп мәлімдеді ШҚО ІІД баспасөз қызметі.