Жеңістің 73 жылдығына орай «Шығысэнерготрейд» ЖШС Ұлы Отан соғысының ардагерлеріне 600 кВт сағат электр жарығын тегін беретін болды.

Ұлы Отан соғысы ардагерлерінің құрметіне орай ұйымдастырылатын дәстүрлі акция бүгін 5 мамыр күні басталды. Ардагерлер мамыр, маусым, шілде айында электр жарығын тегін тұтынатын болады. «Шүлбі» ГЭС-і ай сайын олардың жеке шотына 2 500 теңгеден аударып отырады. Үш ай ішінде жалпы ардагерлерге 2,1 млн. теңге аударылады. Бүгінгі күні Шығыс Қазақстан облысы бойынша 300-ге жуық Ұлы Отан соғысының ардагері тұрады.

Дереккөз: ҚазАқпарат