Ұлы Жеңістің 67 жылдық мерейтойына орай 2012 жылдың 1-мамырынан 31-желтоқсанына дейін Ұлы Отан соғысының ардагерлері мен мүгедектері пойызбен тегін жол жүретін болды, деп хабарлайды «Қазақстан темір жолы» ҰК» АҚ-ның баспасөз қызметіне сілтеме жасаған Altaynews.kz тілшісі.

Мерекелік акция аясында ҰОС ардагерлері мен мүгедектері Қазақстан Республикасы мен ТМД елдері аумағында темір жол көліктеріндегі купелік вагондармен тегін жүре алады.

Ардагерлер тегін билетті темір жол кассаларынан ала алады. Өзімен бірге жеке куәлігі, сонымен қатар, ҰОС ардагері немесе мүгедегі туралы куәлігінің түпнұсқасы мен көшірмесі болуы қажет. Аталған акция «Talgo» пойызымен жүруге қарастырылмайды.