Бұл туралы ҚР ІІМ-нің Әкімшілік полиция комитетінің facebook-тегі ресми парақшасында хабарланып отыр.

-Жол жүрісі қауіпсіздігі саласында мемлекеттік қызметтер көрсету сапасын арттыру мақсатында ІІМ «Азаматтарға арналған үкімет» КЕАҚ-мен бірлесіп, әкімшілік полицияның ауданаралық және аудандық тіркеу-емтихан пункттерін (ТЕП) халыққа қызмет көрсету орталықтарына кезең-кезеңмен орналастыруды жүзеге асыруда, - делінген хабарламада.

Қазіргі уақытта 10 облыста 23 ТЕП-ті орналасқан жері бойынша аудандық ХҚКО-ға көшіру бойынша дайындық іс-шаралары жүргізіліпті. Олар жақын уақытта жұмыс істей бастайды екен.

Көрсетілген іс-шаралар азаматтарға кәдімгі ХҚКО-ларда, басқа да мемлекеттік көрсетілетін қызметтерді алумен қатар, көлікті тіркеуге және жүргізуші куәліктерін алуға мүмкіндік береді.