Жаңа Владимировка ауылдық  округінде «9 жарқын іс» акциясы бастау алды. Акцияның аясында тұрғындар  елді мекендерін абаттандыру, тұрғындардың  әлеуметтік мәселелерін шешуге атсалысу сынды істерді қолға алды.

Жуықта акция аясында  «Дорожник» ЖШС «Қарағайлы-Бозтал»  тасжолының учаскесіне жөндеу жұмыстарын жүргізіп, ауылдастарының алғысына бөленді. Сондай-ақ аталмыш  ұжымның басшысы Бозтал ауылының орталық көшелерінің жолдарын жөндеуге қаржы бөліп, техникасын жұмылдырды. Кіші Владимировка және Бозтал ауылдарының тұрғындары  елді мекендерін қоқыстан тазартып,  абаттандыру жұмыстарын жүргізді.