Жылдар бойы жамап-жасқаумен келе жатқан шатырды толықтай жаңартудың кезегі биыл Өскемендегі № 45 және №2 білім ордаларына бұйырыпты. Сондай-ақ, бірнеше мектепте күрделі жөндеу жұмыстары жүргізілмек. Осы мақсатта бюджеттен 167 миллион теңге бөлінген. Бұл қаржы негізінен білім ордаларының шатыры мен жылу жүйелерін ауыстыруға жұмсалатын болады.

Қаланың орталығындағы №39 мектептің жылу беру жүйелерін ауыстыру көзделіп отыр. Сонымен қатар Меновное кентіндегі мектептің акт залына жөндеу жұмыстары жасалып, №34 мектеп-лицейінің терезелеріне пластик терезе орнатылатын болады. Жұмыстар маусым-тамыз аралығында жүргізіліп, жаңа оқу жылына дейін аяқталмақ.