Облыс орталығында Тарбағатай ауданының жәрмеңкесі өтті.

– Әлеуметтік маңызы бар азық-түліктің бағасын тұрақтандыруды мақсат тұтып, ат басын Өскеменге іріккен жайымыз бар. Бір тоннадан астам – жылқы, төрт тоннадай – сиыр, бір жарым тоннадай қой етін алып келдік. Жылқы етінің келісі – 1200-1600, сиыр етінің келісі – 1200-1500, қой етінің келісі 1100 теңгеден саудаланып жатыр. 800 келі балығымыз да бар. Ұлттық тағамдарымыз да бар, – деді аудандық кәсіпкерлік және ауыл шаруашылығы бөлімінің бас маманы Әлем Аетов.

Жиылған жұртшылыққа Ақжар мәдениет үйінің өнерпаздары кете-кеткенше әннен шашу шашты.

– Бүгін туған жер, отан тақырыбындағы жүректегі патриоттық сезімді оятатын әндер шырқалды. Себебі, концерттік бағдарламамыз ауданымыздың 90 жылдығымен, халық қаһарманы Қасым Қайсеновтің 100 жылдығына арналды, – деді Аян Садуақас.