Зырян ауданына жолдың жабылуына байланысты қосымша пойыз жіберіліп отыр.

-Бүгін 11 наурызда автожолдардың жабылуына байланысты Защита бекетінен Защита-Зырян бағытында №641 пойыз қосымша рейспен жұмыс кестесі арқылы жіберіледі, - деп хабарлайды баспасөз қызметінде.

Естеріңізге сала кетсек, ауа-райының күрт бұзылуына байланысты Өскемен-Зырян-Катонқарағай-Рахман қайнарлары жолының Ушанов ауылынан Зырян қаласына дейінгі учаскесі жабылған болатын. Бұл жолдағы қозғалыс 10 наурыз күні сағат 23:20 -ден бастап барлық көлік түрлері үшін жабық деп жарияланды.