Елеусіновтің кәсіпқой бокстағы алғашқы жекпе-жегі қашан өтеді?
Кәсіпқой боксқа қадам басқан қазақстандық боксшы Данияр Елеусінов алғашқы жекпе-жегін 28 сәуір күні өткізетін болды. Бұл туралы Астанада өткен баспасөз мәслихатында боксшы келісімге келген Boxing Star LLC менеджерлік компаниясының өкілі Зия Алиев мәлім етті, деп хабарлайды «ҚазАқпарат» ХАА.
«Данияр Елеусінов кәсіпқой бокстағы алғашқы кездесуін Нью-Йоркта 28 сәуір күні өткізеді. Ол бокс кешінің ең басты кездесуінде Дэниеэл Джейкобс шығуы керек. Ал Даниярдың екінші кездесуін 2 маусым күні Лондонда өткізу жоспарланған», - деді Зия Алиев. Елеусіновтің 28 сәуірде өтетін кездесуде кіммен шығатыны әлі белгісіз. Еске сала кетсек, бүгін Рио Олимпиадасының чемпионы Данияр Елеусіновтің бүгін промутері белгілі болды. Боксшымыздың промоутері британдық Эдди Хирн. Эдди Хирн супер ауыр салмақта WBA Super, IBF және IBO нұсқасы бойынша әлем чемпионы Энтони Джошуаның (20-0, 20 КО), жеңіл салмақтағы WBA Super және IBF чемпионы Райан Барнет (18-0, 9 КО), жартылай орта салмақтағы IBF нұсқасы бойынша бұрынғы әлем чемпионы Кел Брук (37-2, 26 КО) пен орта салмақтағы WBA нұсқасы бойынша бұрынғы чемпионы Дэниэл Джейкобстың (33-2, 29 КО) промоутері болып табылады.
Оқи отырыңыз
Данияр Елеусінов кәсіпқой бокстағы алғашқы жекпе-жегінде жеңіске жеттіЕштеңе мәңгілік емес. Санчес пен Головкин дауының себебі туралы"Рингке тымақ киіп шығамын" - Айдос Ербосынұлы, кәсіпқой боксшыСпорт шолушысы Головкиннің алдағы жекпе-жегі өтпей қалуы мүмкін екенін айттыЛондон жолдамасы сарапқа салынуда