Өртеніп кеткен зауыт бір айдан соң қайта өнім шығарады
Аталмыш өндіріс орны бір жыл бұрын толық өртеніп кеткен болатын. Облыс әкімінің қолдауымен зауыт толық қалпына келтіріліп, жаңа құрал-жабдықтар алынған. Өндіріс екі-үш апта ішінде іске қосылуы тиіс.
Даниал Ахметов «Мелисса» ЖШС-не қарасты ОСБ-плиталар, яғни аса берік ағаш тақтайлар өндіру зауытында болды.
Естеріңізге сала кетсек, аталмыш өндіріс орны бір жыл бұрын толық өртеніп кеткен болатын. Облыс әкімінің қолдауымен орынжай толық қалыпан келтіріліп, жаңа құрал-жабдықтар алынған. Өндіріс екі-үш апта ішінде іске қосылуы тиіс. Тек цехтың электронды жүйесін реттеу ісі ғана қалған. Компания басшылығы құрал-жабдықты шығарған қытайлық зауыттың бағдарламашысын күтіп отыр. Кәсіпорынның келешекте жылына 30 мың текше метр ОСБ-плиталар өндіретін қуаты бар.
– Біз еліміздің нарығынан шетелдіктерді толық ығыстырып шығардық. Қазақстанда ОСБ-плиталарды шығаратын зауыт тек біз ғана. Әлбетте, біздің плиталардың бағасы да төмен, сапасы да шетелдік баламалардан еш кем емес, – дейді «Мелисса» ЖШС директоры Виктор Воробьев.
Даниал Ахметов цех ішін аралап көріп, ұжымның жедел әрі сапалы жұмыс атқарғанын айырықша атап өтті.