Ағымдағы жылы облыстағы агро-өндірістік кешен өнімдерінің экспортындағы қайта өңделген өнімнің үлесі 37,6 пайыздан 67,5 пайызға дейін ұлғайды, деп хабарлайды Altainews kz тілшісі. 

Аймақ басшысы Ермек Көшербаев кезекті сессия мәслихатында дәнді және майлы дақылдардың негізгі түрлері бойынша өнім біршама өскенін баяндады.

"Агроөнеркәсіптік кешенде өнімділікті арттыру, өнімді қайта өңдеу, импортты алмастыру басымдыққа ие", - деді аймақ басшысы.

Жергілікті өнімді өндіру бір бағыт, ал өнім атаулыны қайта өңдеу саласы ақсап келгені мәлім. Енді бұл салаға ерекше мән беріліп, түрлі жобаларды қолдау арқылы импорт алматыру көзделіп отыр.