Жаңа оқу жылында информатика 3 сыныптан оқытылады
Жаңа оқу жылында еліміздің мектептерінде информатика пәні 3 сыныптан бастап оқытылмақ. Бұл туралы Білім және ғылыми министрі Ерлан Сағадиев мәлімдеп отыр.
Айта кетсек, информатика 2014 жылға дейін 7 сыныптан оқытылатын, 2014 жылдан бастап 5 сыныптан оқыту енгізілген еді. Ал енді бұл пәннің қыр-сырын оқушылар бастауыш сыныптарда меңгере бастайды.
Біз аталмыш жаңалық туралы ШҚО Білім басқармасының ресми жауабын алдық.
-ҚР Білім және ғылым министрімен бекітілген адам капиталын дамыту бойынша 2018-2019 жылдардағы цифрлық экономикаға арналған Жол картасына сәйкес, 2018-2019 жылдары информатиканы 3 сыныптан бастап оқыту қарастырылған, - деп растады білім басқармасында. – Бүгінгі таңда ҚР Білім және ғылым министрлігінен «Информатика» пәнінің оқыту процессін реттеу бойынша нормативтік-құқықтық актілер келіп түскен жоқ.
2017-2018 оқу жылында информатика өзгеріссіз 5 сыныптан оқытылады. Ал пәнді 3 сыныптан оқытуды енгізу 2018 жылдың қыркүйек айына жоспарланып отыр екен.
Оқи отырыңыз