Облыстық «Халифа Алтай» мешітінде «Өзгеруді өзіңнен баста!» атты ұранға үн қосу шарасы өтті. Оған облыстық және қалалық мешіттің қызметкерлері қатысты.

ҚМДБ-ның Өскемен аймағы өкілдігінің ұйымдастыруымен өткен шара барысында мінезді өзгерту, әдеп мәселесі туралы ғұламалардың сөздерінен үзінділер оқылды.

– ҚМДБ Төрағасы, Бас мүфти Серікбай қажы Сатыбалдыұлы дін саласындағы барлық қызметкерге «Өзгеруді өзіңнен баста!» атты ұран тастады. Осы ұранға үн қосып, өзгеруді өзімізден бастауымыз керек. Әр адам өз бойындағы кемшіліктерді түзеп, мінезін өзгерту арқылы салауатты қоғам, ізгі орта қалыптастыра алады, - дейді ҚМДБ Өскемен аймағының өкіл имамы Ермек қажы Тасболатұлы.