Білім және ғылым вице-министрі А.К. Аймағамбетов құрылымдық бөлімшелер, факультеттер мен кафедралар жетекшілеріне ШҚМУ-дың жаңа ректорын – М.Ә. Төлегенді таныстырды.

30 қаңтарда Білім және ғылым вице-министрі А.К. Аймағамбетов құрылымдық бөлімшелер, факультеттер мен кафедралар жетекшілеріне ШҚМУ-дың жаңа ректорын – М.Ә. Төлегенді таныстырды.

Оқу орнының баспасөз қызметі хабарлағандай, вице-министр ҚР білім және ғылым министрінің 29 қаңтардағы бұйрығын оқыған. Құжатта министр 23 қаңтардағы республикалық комиссия шешімі негізінде ректор етіп Мұхтар Әділбекұлы Төлегенді тағайындаған.

Естеріңізге салсақ, Бақылау кеңесі республикалық конкурстық комиссияға ректор лауазымына үш үміткерді ұсынған болатын, олардың ішінде Мұхтар Төлеген болған.

М. Төлеген алғашқы кезектегі міндеттер қатарында талапкерлер санын ұлғайтуды және жаңа мамандықтар ашуды атады.

Жаңа формат бойынша, яғни Бақылау кеңесіндегі дауыс беруден кейін елімізде қазірдің өзінде 16 ректор тағайындалып үлгерді.