Бүгін Зайсан аудандық спорт мектебінде Тәжікстанның Душанбе қаласында 2024 жылдың 23-28 қазан аралығында өткен самбодан ерлер арасындағы әлем чемпионатында ІІ орын иеленіп, ел намысын қорғаған жерлесіміз Қайролда Мұрат Қайролдаұлын қарсы алу салтанаты өтті.

Шараға Мұрат Қайролдаұлының сыныптастары, аудандық ішкі саясат бөлімінің мамандары, аудандық спорт мектебінің жаттықтырушылары мен мамандары, аудандық мәдениет үйінің өнерпаздары, «Бұқаралық спортты дамыту орталығының» тәрбиеленушілері мен жас спортшылар қатысты.

Жетістіктерімен ел мерейін өсірген ардагер спортшы – самбо, дзюдо, қазақ күресінен спорт шебері, «Самбо саңлағы» төсбелгісінің иегері және көптеген жарыстардың жеңімпазы.